بمناسبة رمضان ملف لجميع معجناتي وسندويتشاتي

السلام عليكم ورحمة الله وبركاته

اقدم لكم هذا الملف بمناسبة قرب شهر مضان المبارك الله يبلغنا اياه

واتمنى يحوز على اعجابكم
ومابغى منكم غير الدعوات الحلوه بالشهر الفضيل

& اكواب كودو الدجاج &

المقادير :
صحن دجاج فيليه مقطع مكعبات
فلفل رومي نصف حبه ومقطع اعواد(ولو حبيتي تلونين بيكون احلى بعد )
بصله متوسطه مقطعه جوانح
ثوم حسب الرغبه مقطع شرائح
ملح +فلفل + بهارات
نصف كاس كريمة خفق +2 ملعقة صوص الصويا ملحه او معتدله
خبز فرنسي او صامولي
جبن موزريلا مبشور

الصوص :
نصف علبة زبادي + ملعقة مايونيز + ملعقة خردل + ملعقة صغيره كاتشب + ملعقة عصير ليمون + ملعقه صغيره خل ( تقدرين تضيفين شطه اذا تبغينها حاره ) >> تخلطينهم مع بعض

الطريقه:

في قليل من الزيت نضع البصل والثوم حتى يصبح شفاف

نضيف الدجاج المقطع واذا بدا يستوي نضيف الملح والفلفل والبهارات والفلفل الرومي >>صورت قبل ما احطه

بعد مايستوي الدجاج نحط خليط الكريما عليه ونقلبه مع بعض وكذا تكون الحشوه جاهزه

نقطع الخبز بهذا الشكل

نفرغ جوف كل جزء بحيث ما نصل للنهايه

ندهن جوف الخبز بالصوص ونحشيه بخليط الدجاج ونصفه بصينيه عميقه او قدر (بحيث تكون واقفه )

نرشها بجبن الموزريلا ونحمرها من فوق لين تذوب الجبنه وتتحمر

وهذا شكلها النهائي

&سندويتشات الدجاج بالخردل &

المقادير :
صحن دجاج فيليه مقطع مكعبات
التتبيله ( 3 م خردل ملح حسب الرغبه رشة فلفل اسود نصف ملعقه صغيره بودرة التشيلي )
خس مقطع شرايح طوليه
طماطم مربعات
خردل
مايونيز
خبز توست

الطريقه :

نتبل الدجاج بالتتبيله ونحطها بالثلاجه ساعه ع الاقل عشان تمتص التتبيله تمام

نطبخ الدجاج على النار بدون اي اضافات لين يستوي

نحط الخس في زبديه ونضيف له ملعقه كبيره مايونيز ونصف ملعقه خردل

نجيب شريحة توست ونحط طبقه من خليط الخس ثم مكعبات الطماطم ثم الدجاج

نغطيها بشريحة توست ونضغطها بالة التوستر قم نقسمها مثلثات

وهذا الشكل النهائي

&تاكو سريع &

المقادير :
برجر لحم مقلي ومقطع مربعات(6 شرائح تقريبا )
نص حبه من الفلفل الرومي (احمر- اصفر - اخضر -برتقالي )مقطعه شرائح طوليه
بصله متوسطه مقطعه جوانح +2 فص ثوم مقطع شرائح
جبن تشيدر مبشور
خبز التاكو الجاهز (موجود في قسم المؤكولات المكسيكيه )
وهذي صورته

الطريقه:
نحط البصل والثوم على النار مع شوي زيت لين يذبل

نحط الفلفل الالوان والملح والفلفل والبهارات ونقلبها لين تذبل مع بعض

نضيف البرجر المقطع ونقلب الجميع مع بعض

وبكذا تكون الحشوه جاهزه
ندهن الخبز بالمايونيز ونحط الحشو
ونرشه بالجبن التشيدر
ولو حبينا ممكن نحطه بالفرن شوي لين تذوب الجبنه ..
وهذا الشكل النهائي

&سندويتشات الكاساديا المكسيكيه &

نبدأ بالمقادير :
خبز تورتيلا >> اذا تحبين جاهز او تسوينه بطريقتك
الحشوه 1:
عصاج لحم بصلصة الطماطم
جبن ابيض مفتت ومخلوط مع بقدونس مفروم وسماق
جبن موزريلا

الحشوه 2:
دجاج فيليه مقطع مكعبات ومحموس مع بصل وثوم وفلفل الوان وصلصة التاكو >> ماخذه طريقتها من ام فهووودي الله يسلم يديها
وهذي صورته

جبن موزريلا

طريقة الحشوه 1 :
نجيب خبز التورتيلا ونحط على جهه وحده خليط الجبن الابيض